«Ақырҭуа полициеи Аҩныҵҟатәи аусқәа рминистрреи ҭабуп ҳәа расҳәар сҭахуп аҭынчратә формала  азакәан ақәныҟәаразы.  Аӡәык-ҩыџьак атәылауааи агентуратә оппозициеи аҳҭнықалақь ашьхынҧсылара рылшом,  ақырҭуа ҳәынҭқарра уи еиҧш алшара рнаҭом», — иҳәеит  «Ақырҭуа гәахәтәы» анагӡаратә маӡаныҟәгаҩ  Мамука Мдинараӡе иахьатәи абрифинг аҿы.

Мдинараӡе иажәақәа рыла, агентуратә оппозициаа рекстремизм иадгылоит аҵыхәтәантәи амшқәа рзы Қырҭтәыла иаҭааиз атәым политикцәа.

«Ишыжәдыруа еиҧш, дара ҵхыбжьонк азы уи аҟаҵара рылшеит, аха, хара имгакәа, аполициа аӡбара иаша аднакылеит.  Агентуратә оппозициаа рекстремизм иадгылоит аҵыхәтәантәи амшқәа рзы Қырҭтәыла иаҭааиз атәым политикцәа.  Дара абра ианыҟаз агентура Маидан асценари анагӡара рыбжьаргон, нас, ҭынч, ртәылақәа рахь ихынҳәит», — иҳәеит  Мдинараӡе.