Иреиҳаӡоу аҵара ахаҭабзиара аиқәыршәаратә европатә ассоциациа  (ENQA) алалара афакт Қырҭтәыла аҵара асистемазы аҭоурыхтә хҭысуп, ҳтәылазы ақәҿиара дууп,– иҳәеит Қырҭтәыла Аҧыза-министр Мамука Бахтаӡе.

Мамука Бахтаӡе ишазгәеиҭаз ала, Қырҭтәыла акрызҵазкуа даҽа шьаҿак ҟанаҵеит евроинтеграциа апроцесс аҿы.

„Ҳара зегьы реиҳа зҵакы дуу ахырхарҭа ала европатәи аҭаацәара ҳазааигәахеит, уи аҵара ауп. Мышқәак раҧхьа Европатәи ахаҭабзиара аиқәыршәаратә агентра аӡбара аднакылеит  „Еска“ (ENQA) ашҟа Қырҭтәыла адкылара иазкны. Уи ҳара ҳзы ақәҿиара дууп. Ҳҵаратә системазы аҭоурыхтә ҵакы змоу хҭысуп, избанзар ҳара уаанӡагьы иааҳацҳахьан аҵара ҳтәылазы ахадаратә мчыс ишыҟоу“, –  иҳәеит Мамука Бахтаӡе.

Иара иажәақәа рыла, Қырҭтәыла амеханизмқәа зегьы аиуеит ҳтәылаҿы ауаа ироуз адипломқәа Евроеидгыла атәылақәа рҿы азхаҵара рымазарцаз.

„Ари ашьаҿа аҵакы ду амоуп. Европатәи ҳҩызцәеи ари аус иалахәыз ауааҧсыреи  ҭабуп ҳәа расҳәоит. Аҵара ареформа ҿыц алагара иазкны ианааҳацҳа ашьҭахь, ари ашьаҿа ҳалаҽхәаратәы ҳаҟоуп. Ҳара аконкреттә алҵшәа ҳаухьеит. Ҳара еилаҳкаароуп аиааира ду шаҳгаз, аха, аамҭакала, аҭакҧхықәра ду ҳадуп. Активла аусура наҳагӡароуп, избанзар аамҭакьаҿ иалагӡаны ҳара ҳсистема европатәи  астандартқәа ирышьашәалазарц иҟаҳҵароуп.  Аҵара ахаҭабзиара хшыҩзышьҭра ҷыда азутәуп.  Аҭакҧхықәра ду ҳадуп. Ҳтәылаҿы ауаа ироуа адипломқәа  Евроеидгыла астандартқәа ирышьашәалазароуп.  Анеҩстәи амзақәа  рзы  ауниверситетқәа рҟны аинтенсивтә усруа мҩаҧаагоит, абри аҭоурыхтә хҭыс излауа ала ҳхы иаҳархәароуп. Ҳуниверситетқәа европатәи ауниверситетқәа иаҳа ирзааигәахар рылшоит.  Ақырҭуа студентцәеи апрофессорцәеи аҳәаанырцә аусура алшара роуеит. Абри зегьы азы иацҵаны афинанстә ресурсқәа аҭахуп.  Даҽазнык ишәзеиҭасҳәар сҭахуп  амилаҭтә идеиа афинанстә параметрқәа ирызкны. Ҳтәыла аҩнуҵҟатәи аалыҵ наӡа аҟынтә  6 наӡынак аҵара аусхкы алаҳҵоит. Уи абиу?ьет аҧшьбарак ауп. Агәра ганы сыҟоуп  „Енка“  алалара абзоурала акрызҵазкуа апринциптә шьаҿа шыҟаҳҵо Қырҭтәылаҿ аҵара ахаҭабзиара астандартқәа рышьҭыхразы“, – иҳәеит Мамука Бахтаӡе.