Саломе Зурабишвили Қырҭтәыла ҧырхага азаалгарцаз илылшо зегьы ҟалҵоит, аҳәынҭқарратә институтқәеи атәыла Аконституциеи  иазхалҵом,  жәларбжьаратәи ауаажәларрагьы уажәшьҭа уи ибзианы ирбоит, –  илҳәеит Қырҭтәыла апарламентаҿ иҟоу евроинтеграциа азҵаарақәа рзы акомитет ахантәаҩы Мака Боҷоришвили.

Боҷоришвили лажәақәа рыла, алхрақәа рышьҭахь имҩаҧысуа акампаниа атәыла ҧырхага азаанагоит.

„Иашьашәалоу ашьаҿақәа ҟаҳҵароуп, абри зегьы иахәҭоу ақәҿыҭра аҳҭароуп. Ҳара иҳаҳаз аҳәамҭақәа шьаҭак рымазар, ишахәҭоу еиҧш аусеилыргара мҩаҧганы, иахәҭоу аҭак ҟаҳҵароуп. Аха, абарҭ ахарадҵарақәа ашьаҭа рымамзар, арҭ ауаа аҭак ҳарҭароуп Қырҭтәыла аинтересқәа ирҧырхагоу  абарҭ ахарадҵарақәа хықәкыс ирымоу.  9 шьаҿак руакы жәларбжьаратәи астандартқәа рыла алхрақәа рымҩаҧгара иазкуп. Алхрақәа рышьҭахь имҩаҧысуа акампаниа Қырҭтәыла ҧырхага азаанагоит, ҳтәыла Евроеидгыла алалара апроцесс иаҧырхагоуп. Убри аҟынтә, ари акампаниа мҩаҧызго ауаа иҳарҳәароуп иҟарҵо зегьы зызку. Иашьашәалоу аорганқәа аусеилыргара амҩаҧгара алшара рыҭатәуп. Рыцҳарас иҟалаз, Саломе Зурабишвили Қырҭтәыла ҧырхага азаалгарцаз илылшо зегьы ҟалҵоит, аҳәынҭқарратә институтқәеи атәыла Аконституциеи  иазхалҵом,  жәларбжьаратәи ауаажәларрагьы уажәшьҭа уи ибзианы ирбоит. Америка аҳәара ҟанаҵеит Саломе Зурабишвили аусеилыргаратә органқәа имҩаҧырго аусеилыргара дацхраарц, лара иқәлыргылаз ахарадҵарақәа шьақәлырҕәҕәарц“, – илҳәеит Мака Боҷоришвили.