«Евроеидгыла — ҳаҟазар иахьаҳҭаху қәыҧшылароуп,  мраҭашәаратә ҳәынҭқаррақәа ҳрывагылазар ҳҭахуп,  Евроеидгылеи НАТОи ҳрылазар ҳҭахуп. Ҳара Евроеидгылеи НАТОи ҕәҕәала аус рыцаауан,  уажәгьы аус рыцаауеит», — илҳәеит адәныҟатәи ауқәа рминистр  Мака Боҷоришвили  жәларбжьаратәи аконференциа «Раизин идиалог 2025» аҳәаақәа ирҭагӡаны Ниу-Дели имҩаҧгаз апанельтә дискуссиаҿы.

Лара лажәақәа рыла,  2014 шықәса инаркны Қырҭтәыла НАТО аҭынчрачаҧаратә проектқәа ирылахәын, Евроеидгыла ассоциациатә партниоруп.

«Қырҭтәыла, Афганистан имҩаҧгаз аҭынчрачаҧаратә проектқәа ирылахәын. Уаҟа, НАТО иалам аҳәынҭқарра аҳасабала, зегьы реиҳа идууз аконтрибутор ҳакәын.  2014 шықәса инаркны, ҳтәыла  Евроеидгыла ассоциациатә партниоруп, ҳара Зхы иақәиҭу ахәаахәҭра наӡа иазку аиқәшаҳаҭра ҳамоуп, уи абзоурала европатәи аџьармыкьашҟа аинтеграциа ҳалшоит», — илҳәеит  Боҷоришвили.

Лара лажәақәа рыла, Евроеидгыла Қырҭтәылазы зҵакы дуу партниорс иаанхоит.

«Евроеидгыла ҳаналацәажәо, хымҧада иазгәаҭатәуп: Қырҭтәылеи ари арегиони Европазы иҿыцуп. Ҳара европауаас ҳхы ҳаҧхьаӡоит, ҳтәыла европатәи тәылоуп,  даргьы европауаа раҳасабала иҳахәаҧшуеит, аха, Қырҭтәылеи Евроеидгылеи ҭаацәарак аҳасабала аицынхара аҧышәа рымам,  убри азоуп иаҳҵаша рацәоуп ҳәа заҳҳәо,  Евроеидгыла алахәылас ҳшыҟалаша азы адиалог ҳҭахуп», — илҳәеит  Мака Боҷоришвили.