«Атәыла аҩныҵҟаполитикатә ҧсҭазаара абас иҕәҕәаны аҽалагалара ҟалом», — илҳәеит Қырҭтәыла адәныҟатәи аусқәа рминистр Мака Боҷоришвили Европа Ахеилак Аҭыҧантәии арегионалтәи аиҳабырақәа рКонгресс абиуро иаднакылаз аҳәамҭа данахцәажәоз. Зыӡбахәы ҳәоу аҳәамҭа ишану ала, Қырҭтәыла аиҳабыра,  зхы иақәиҭу, ииашоу алхрақәа мҩаҧыргароуп, аҭыҧантәи алхрақәа иахдырҧароуп.

Мака Боҷоришвили аҳәаанырцәтәи политикцәақәак иҟарҵаз аҳәамҭақәагьы дырзааҭгылеит.

«Швециатәи аполитик иҟаиҵаз ааҧхьара ишиашо ҳусқәа рҽалагалароуп иаанаго, уи адагьы, дара Қырҭтәыла иадҳәаланы гәазыҳәарас инрымоу аадырҧшуеит. Ҳтәылаҿ аилаҩынтра, атәыла аконституциатә аиҿкаашьа еилазго еиуеиҧшым асценариқәа. Урҭ рыгәҭа  —  «Маидан» асценаригьы, уи егьалацәажәон, егьдымазеиуан», — илҳәеит адәныҟатәи аусқәа рминистр.