«Қырҭтәыла — амшынеиқәатәи тәылоуп, Евроеидгыла алалареи ари ахырхарҭала ацареи шаҳҭаху аргама иааҳацҳаит», — илҳәеит Қырҭтәыла адәныҟатәи аусқәа рминистр Мака Боҷоришвили Дельфитәи аекономикатә форум апанельтә дискуссиаҿы.

Боҷоришвили лажәақәа рыла, Қырҭтәыла зегьы реиҳа европатәи астандартқәа ирзааигәоуп.

«Аҵыхәтәантәи жәашықәса рыла ҳара ишьақәҳарҕәҕәеит европатәи астандартқәа раларҵәара шҳалшо. Арегион ҳахәаҧшыр, Қырҭтәыла зегьы реиҳа европатәи астандартқәа ирзааигәоуп», — илҳәеит Мака Боҷоришвили.

Боҷоришвили лҳәамҭала, «Қырҭтәыла ишьақәнарҕәҕәеит игәрагоу партниорс иҟалар шалшо».

«НАТОи Евроеидгылеи амиссиақәа ҳрылацәажәозар, арҭ амиссиақәа Қырҭтәыла амилаҭтә интересқәа ирызкымызт. Қырҭтәыла амилаҭтә интересқәа аарҧшын НАТОи Евроеидгылеи  рҿаҧхьа ҳаҧхықәрақәа рыла. Ҳара аусеицура ҳазыхиоуп, аргама иаҳҳәеит Евроеидгыла ҳалалар шаҳҭаху, аха, егьи аган аҟынтә иҳауа ҳдыруазароуп, избанзар, адиалог ада, арегион алацәажәара ада, иҳаур иаҳҭаху ҳаламцәажәозар, Амшын еиқәаҿы иаҳҭаху, арегионалтә усеицура ишырҭбаатәу ҳаламцәажәар  аусеицура зыҟалом. Убри аҟынтә, ҳымҧада астратегиа иҟазароуп, анеҩс, уи анагӡаразы аҭакҧхықәра ҳхы иадаҳҵоит. Иреиҕьыз стратегиан аекономикатә усеицура аҿиареи Амшын еиқәаҿы ари аусеицура арҭбаареи. Ҳара жәларбжьаратәи апринципқәеи жәларбжьаратәи азини  ҳхамшҭроуп, урҭ рышьаҭалоуп аусеицура шыҟало», – илҳәеит Мака  Боҷоришвили.