Қырҭтәыла Адәныҟатәи аусқәа рминистр Мака Боҷоришвили Израильтәи Аҳәынҭқарраҿ аофициалтә визит аҳәаақәа ирҭагӡаны, Израильтәи Кнессет аспикер Амир Охана диԥылеит.

Қырҭтәыла Адәныҟатәи аусқәа рминистрра аинформациала, аиԥылараҿ иазгәаҭан ақырҭа жәлари ауриа жәлари ирыбжьоу аҭоурыхтә еизыҟазаашьақәеи ҩтәылак ирыбжьоу аиҩызареи.

“Аиԥылараҿ аганқәа ирзааҭгылеит азакәанԥҵаратә еиҿкаарақәа русеицуреи ҩганкалатәи еизыҟазаашьақәа иаҳа рырӷәӷәаразы апарламенттә қәыԥшылара аҵак дуи. Ари акрнтекст аҿы иазгәаҭан Қырҭтәылеи Израили рпарламенттә гәыԥқәа русзура бзиа. Ҷыдала иазааҭгылеит ахәаахәҭра-економикатә еизыҟазаашьақәеи ажәларқәа ирыбжьоу еизыҟазаашьақәеи рырҵаулара азҵаара. Иара убас иазааҭгылеит арегион аҟны иҟоу ашәарҭадаратә ҭагылазаашьа”, – иануп аинформациа аҿы.