«Абри ауп шықәсык аҧхьа иҟаҵаз аҳәамҭа ҵакыс иамаз: Евроеидгыла иадҳәалоу атемақәа аполитикатә ақәҧаразы хархәагас иҟалар ҳҭахым. Аха, абри ауп шықәсык иалагӡаны иаабо, авизалиберализациа азҵаарагьы абри ауп изызку, – илҳәеит адәныҟатәи аусқәа рминистр Мака Боҷоришвили Қырҭтәыла Актәи аканал адырраҭара  «Амш атема» аҿы.

«Уи ашантаж амеханизмуп, Қырҭтәыла арадикалтә усхәаҧштә аҧҵаразы хархәагоуп  — ари азҵаара уаҳа изакәызаалак хықәкык амам. Қырҭтәыла ауааҧсыра ирхарои? Авизадатә режим зрымхтәуи? Евроеидгыла Қырҭтәыла ауаҩы изинқәа рыхьчара азҵаара иаргәамҵуазар, ҳара ари азҵааразы адиалог амҩаҧгара ҳазыхиоуп. Аха, уи ҟамлеит. Абри аҩыза аӡбара рыдрымкылап ҳәа сгәыҕуеит. Аха, абри аҩыза абиурократиа аныҟоу, арационалтә аӡбарақәа рыдыркылап ҳәа узгәыҕуам. Иахьа ҳара ҳамацара ҳақәӡам уи иалацәажәо  —  иахьа ари азҵаара иалацәажәо рацәоуп, лассы-лассы иҳаҳауеит адәныҟатәи азҵаарақәа рзы европатәи амаҵзура аусура аеффективра шагу, Европа ахаҭа аинтересқәа рыхьчара ишазкым», – илҳәеит  Боҷоришвили.