«Америказы адемократиатә мҩала иалху анапхгара рыла аӡбарақәа рыдкылара аҵакы ду амазар, ҳара ҳтәылагьы адемократиатә мҩала иалху, ақырҭуа жәлар изыдгыло  анапхгара иахагылоуп», — илҳәеит евроинтеграциа азҵаарақәа рзы апарламенттә комитет ахантәаҩы  Мака Боҷоришвили.

Боҷоришвили  Америка Аҳәынҭқарратә департамент ахаҭарнак Метиу Миллер иҟаиҵаз аҳәамҭа дахцәажәеит, иара ишиҳәаз ала,  «тәылақәак иреиҧшымкәа, Америка аполитикатә аӡбарақәа рыдыркылоит адемократиатә мҩала иалху аиҳабыра, уаҳа аӡәгьы».

Боҷоришвили ишазгәалҭаз ала, Қырҭтәыла анапхгара ақырҭуа жәлар ргәазыҳәара аадырҧшуеит.

«Адемократиа ҳаналацәажәо, ажәлар иалырхыз, атәыла иахаҭарнаку  анапхгара роуп ҳазлацәажәо. Ишаабо ала, Америказы аҵакы ду амоуп дара ртәылаҿ адемократиатә мҩала иалху аиҳабыра аӡбарақәа ахьрыдыркыло, Қырҭтәылагьы адемократиатә мҩала иалху анапхгара иахагылоуп. Қырҭтәыла анапхгара ақырҭуа жәлар ргәазыҳәара аадырҧшуеит», — илҳәеит  Мака Боҷоришвили.