«Ҳара Қырҭтәыла евроатлантикатә институтқәа ирылазар ҳҭахуп», — иҳәеит Аусеицуреи Ашәарҭадареи рзы Европатәи Аиҿкаараҿы Америка ацҳаражәҳәаҩ Маикл Карпентер Қарҭ имҩаҧысуа есышықәсатәи жәларбжьаратәи аконференциаҿы.

Карпентер игәаанагарала, уи Америка амилаҭтә интересқәа ирыҵанакәеит, иара убас, Қырҭтәыла адемократиа арҕәҕәара иацхраауеит.

«Ҳара жьҭааразы Еврокомиссиа аҳасабырба ҳазыҧшуп, анеҩс, ашықәс анҵәамҭаз, Евроеидгыла Ехеилак  Қырҭтәыла европатәи аҧеиҧш иазкны аӡбара аднакылоит. Ари алшара шәхәы иашәырхәароуп, избанзар, атәыла иҵегьы акыраамҭа абри аҩыза алшара амоур ауеит. Евроеидгыла еилыкка аанарҧшит иҟаҵатәу.  12 пунктқәа иҟоуп. Қырҭтәыла арҭ апунктқәа нанагӡароуп.  Азҵаара абас иқәгылоуп  — шәара абри ахырхарҭа шәазыразума, шәтәыла абрахь иалалар шәҭахума, ишәҭахызар, аҳәынҭқарратә ресурсқәа зегьы шәхы иархәаны, иҟаҵатәу ҟашәҵароуп. Ҳара ҳшәыцхраауеит, аха, шәара шәоуп уи зыӡбаша.  Ақырҭуаа  2008 шықәсазы ахә ду ашәара рықәшәеит, дара евроатлантикатә институтқәа рахь аинтеграциа рыхәҭоуп, избанзар, акультуреи, аҭоурыхи, иара убас, аполитикатә ганахьалагьы  европауаауп. Ҳара ари апроцессаҿ ҳрыцхраароуп, аха, даргьы, ари алшара рцәымӡырц азыҳәан, иаҭаху зегьы ҟарҵароуп», — иҳәеит Маикл Карпентер.