Литвеи Евроеидгылеи рдәныҟатәи аусқәа рминистрцәа Қырҭтәылаҟа аашьҭразы  «амедиаторцәа ргәыҧ» аиҿкаара ргәы иҭоуп. Ари атәы аанацҳаит Литва Ауаажәларратә дырраҭара.

Литва адәныҟатәи аусқәа рминистр Габриелиус Ландсбергис иҳәамҭала, «амедиаторцәа ргәыҧ» Қырҭтәыла аполиткиатә кризис аҭыҧқәҵара иацхраароуп.

Ландсбергис  ишазгәеиҭаз ала, иареи адәныҟатәи аусқәа рзы егьырҭ аминистрцәеи Қырҭтәыла аҭаара ргәы иҭоуп.

«Апланқәа ҳамоуп.  Ари авизит хырҳагарас иахылҵуа аҭҵаара ҳаҿуп. Амедиаторцәа ргәыҧ еиҿаҳкаауеит, уи хымҧада иалахәызаауеит адәныҟатәи аусқәа рминистрцәа. Қырҭтәыла Литвантә мацара акәымкәа, азеиҧш европатәи ашьҭымҭа аиуроуп, избанзар ҳара Қырҭтәыла евроатлантикатә интеграциа ауп ҳазлацәажәо», — иҳәеит Литва адәныҟатәи аусқәа рминистр.