Литватәи Сеим Қырҭтәыла имҩаҧысуа ахҭысқәа ирыдҳәаланы арезолиуциа аднакылеит. Уаҟа ишану ала, Сеим ақырҭуа жәлар рзакәантә европатәи ҽазышәарақәеи адемократиатә тәылаҿ анхара аҭахреи  ҕәҕәала иадгылоит.

Литва апарламент ақырҭуа аиҳабыра рыла аҭынчратә демонстрантцәа рганахьала амчылареи, атәылауаҩратә уаажәларреи АИХқәа рыршәареи иақәыӡбоит. Иара убас, литватәи апарламент алахәылацәа Қырҭтәыла анапхгаратә партиа ахаҭарнакцәеи рнапаҿы иҟоу амедиеи атәылаҿ адемократиатә процессқәа раҧыхразы хықәкыла иҟарҵо апропаганда иақәыӡбит.

Адокумент аҿы Сеим алахәылацәа Евроеидгылеи уи иалоу аҳәынҭқаррақәеи рахь ааҧхьара ҟарҵеит  атәылауаҩратә уаажәларра рганахьала амчыларатә репрессиақәа ирылахәы Қырҭтәыла аофициалтә хаҿқәеи аполитикатә лидерцәеи асанкциақәа рзышьақәдыргыларц, Қырҭтәыла аиҳабыра рҟны аимадареи афинанстә цхыраара рыҭареи  иаҟәыҵырц, уи ацынхәрас, атәылаҿ атәылауаҩратә уаажәларреи ихьыҧшым АИХқәеи рзы ацхыраара дырҕәҕәарц.