Актәи ауниверситеттә клиника адиректор Леван Ратиани иажәақәа рыла, ҷара аҳабыра ԥасатәи ахантәаҩы Ҭорнике Рижваӡе игәабзиара аҭагылазаашьа цәгьоуп.

«Игәабзиара аҭагылазаашьа цәгьоуп, аха еицәахом. Апротокол ала иазыԥхьагәаҭоу агәаҭарақәа зегьы изымҩаԥаагоит», — иҳәеит Ратиани.

Аҷара аҳабыра ԥасатәи ахантәаҩы Ҭорнике Рижваӡе ԥхынгәы 7 рзы Сагареџьотәи «Geo Hospitals» ашҟа днаган, уи бџьармцалатәи ахәра иоуит, иҭагылазаашьа цәгьан, ԥыҭраамҭак ашьҭахь уи Қарҭ, Актәи ауниверситеттә клиникахь диаган.  АҩАР аинформациа ала, аусԥшаара хацыркуп Қырҭтәыла ашьауӷа закәанеидкыла 115-тәи ахәҭаҷ ала –  аҽшьраҟынӡа анагара азы. Ҭорнике Рижваӡе иус азы абџьар аҭакԥхықәрадара аҵәахразы даанкылоуп  Амшынтә транспорт азы агентра аиҳабы Алекси Ахвледиани. Ахвледиани Қырҭтәыла ашьауӷа закәанеидкыла 238-тәи ахәҭаҷ  – абџьар аҭакԥхықәрадара аҵәахраз – инақәыршәаны даанкылоуп. Ахысраан Ҭорнике Рижваӡе Алекси Ахвледиани иҩны дыҟан.