Аекономика аминистр Левана Давиҭашвили иҳәамҭала, аекономикатә активра ду абзоурала,  ауааҧсыра аусурҭала реиқәыршәара арбага шьҭыҵит. Иара иажәақәа рыла, актәии аҩбатәии акварталқәа рзы аусурҭадара арбага лаҟәит.

Авице-аҧыза ари атема далацәажәеит  «Аминистр исааҭ» аҳәаақәа ирҭагӡаны Қырҭтәыла апарламентаҿы данықәгылоз.   Иара иажәақәа рыла,  2022 шықәсазы ишиашоу атәым инвестициақәа раиура аганахьалагьы иҵоуроу арбагақәа иҟоуп.

«2022 шықәса ажьырныҳәа – рашәарамзазы, ишиашоу атәым инвестициақәа рҭаӡара, ҵыҧхтәи арбага аасҭа  102%-ла еиҳан, атәыла аиуит  922,9 миллион адоллар аинвестициа. Ари аицҵалыҵ аҟынтә  42,5% Евроеидгылантә иҳауит», — иҳәеит  Давиҭашвили.

Аминистр атуризм аиҭашьақәыргылара атенденциақәагьы дрылацәажәеит. Леван Давиҭашвили ишиҳәаз ала, 2022 шықәса ажьырныҳәа-нанҳәазы атуризм аҟынтә ахашәала еиҭашьақәгылан  94,6%-ла,  атәыла аиуит  2 миллиард  141,6 миллион адоллар ахашәала.