Лаҵара 2-5 рзы германтәылатәи Бундестаг евроеидгыла азҵаарақәа рзы акомитет аделегациа Қырҭтәыла иаҭаауеит. Ари атәы аанацҳаит Қырҭтәыла иҟоу Германтәыла ацҳаражәҳәара.

Ацҳаражәҳәара аинформациа ала аделегациа иалоуп: Кристиан Петри )Асоциал-демократиатә партиа, аделегациа анапхгаҩы), Ральф Бринкҳаус (Ақьырсиан-демократиатә аидгыла/Ақьырсиан-социалтә аидгыла), Михаил Захер (Аидгыла 90/аеҵәақәа), Томас Ҳакер (Зхы иақәиҭу адемократцәа рпартиа), Гаральд Ваиель (Альтернатива Германтәылазы).

“Авизит аҳәаақәа ирҭагӡаны апланқәа ирылоуп Қырҭтәыла Аиустициа аминистр Рати Брегаӡеи, Қырҭтәыла Аекономика аминистр Леван Давиҭашвилии, иара убас Қырҭтәыла Адәныҟатәи аусқәа рминистр ихаҭыԥуаҩ Ҭеимураз Џьанџьалиеи рҟны аиԥылара.  Иара убас аделегациа алахәылацәа Қырҭтәыла апарламент ахантәаҩы Шьалуа Папуашвилии акомитетқәа рхантәаҩцәеи ирԥылоит.

Апрограмма иалоуп атәылауаҩратә уаажәларреи, аихқәеи, аекономкеи акультуреи рхырхарҭақәеи рхаҭарнакцәа рҟны аиԥыларақәа рымҩаԥгара“, –иануп аинформациа аҿы.