«Китаии Қырҭәтылеи  — ихьыҧшым ҳәынҭқаррақәоуп, ҳара астратегиатә партниор иалхра азин ҳамоуп », — иҳәеит Қырҭтәыла иҟоу Китаи ацҳаражәҳәаҩ  Чжоу Цзань.

Иара иажәақәа рыла, Китаии Евроеидгылеигьы астратегиатә партниорра рыбжьоуп.

«Хаҭала, сара абас сгәы иаанагоит, ҳара Китаии Евроеидгылеи рыда  «Абжьаратә корридор» аҿы ақәҿиара ҳауам. Избан? Избанзар,  «Абжьаратә корридор» аҿы Китаии Евроеидгылеи рыбжьара алогистика аҵакы ду амоуп. Сара Китаи иҭнажьуа ааглыхратә тауарқәеи Евроеидгыла ахархәаратә қәыҧшылареи ауп сызлацәажәо. Убри аҟынтә, Китаии Евроеидгылеи рыда  «Абжьаратә корридор» аҿы ақәҿиара зыҟалом.  Сара излаздыруа ала, Евроеидгыла  «Абжьаратә корридор» аҿы активла аус ауеит, уи Китаии Евроеидгылеи русеицура иацхраауа даҽа платформак ауп», — иҳәеит Китаи ацҳаражәҳәаҩ.