Ҟазахстан аԥыза-министр ишааицҳаз, Ҟазахстан Қарҭ-Бақәа-Џьеиҳан амҩангагала анефт аиагара 2023 шықәса ажьырныҳәазы алагоит.

“Ҟазинформ” аинформациа ала, ари аҳәамҭа Ҟазахстан аԥыза-министр Алихан Смаилов ажурналистцәа рҿаԥхьа абрифинг аҿы даныҟәгылоз.

Смаилов иажәақәа рыла, анефт Актаутәи апорт аҟынтә Бақәа наргоит, уи ашьҭахь уи аиагара Бақәа-Қарҭ-Џьеиҳан анефтмҩангага ала.

“Бақәатәи апорт ала, ҟазахстантәи анефт аиагара Бақәа-Суԥса Бақәа-Баҭымтәи амҩангагақәа рыла ҟалоит. Иара убасиҟоуп  аихамҩатә цәаҳәа Актау аҟынтә Баҭыми Узбекистани рхырхарҭала. Уажәы арҭ ахырхарҭақәа рыла  анефт аекспорт апотенциал арҭбаара аус адаҳулоит”, – иҳәеит Смаилов.

“Бақәа-Қарҭ-Џьеиҳан анефтмҩангага иадҳәаланы 1.5 миллион тонна анефт аиагара иазкны ҳаиқәшаҳаҭхеит, ари иалагоит 2023 шықәса ажьырныҳәа ак инаркны”, – иҳәеит Ҟазахстан аԥыза-министр  Алихан Смаилов.