«Иҳадаҳкылаз азакәанпроект Аконституциа иашьашәалам ҳәа аҳәара гаӡароуп», — иҳәеит аҳҭнықалақь ахада  Каха Каладзе.

Қарҭ ахада иҳәамҭала,  «Атәым анырра аартызаара иазку» азакәан хықәкык ауп иамоу  – иҳәынҭқарратәым аиҿкаарақәа аҧара рзоушьҭра апроцесс аартызаара аиқәыршәара.

«Аартызаара Аконституциа иашьашәалам ҳәа ишҧашәҳәо, уи гаӡароуп.   «Атәым анырра аартызаара иазку» азакәан хықәкык ауп иамоу  – иҳәынҭқарратәым аиҿкаарақәа аҧара рзоушьҭра апроцесс аартызаара аиқәыршәара.  20% еиҳаны аҳәаанырцәынтә аҧара зауа иҳәынҭқарратәым аиҿкаарақәа шықәсыкахь знык адекларациа цәырыргароуп,  ари аҧара шнырхо иадырбароуп, абри ауп ҳазлацәажәо. Абри зегьы Аконституциа иашьашәалам, европатәи апринципқәа ирышьашәалам, ҳтәыла европатәи аҧеиҧш иаҧырхагоуп ҳәа уҳәар ҟалома.

Қырҭтәыла иҳәынҭқарратәым аиҿкаарақәа иҟам. Ҳтәылаҿ аполиткиатә партиақәеи иҳәынҭқарратәым аиҿкаарақәеи рыбжьара иҟазарц зыхәҭоу аҳәаа иаҧыхуп.  Иҳәынҭқарратәым аиҿкаарақәа реиҳара  – абжьааҧнытәи аполиткиатә аиҿкаарақәоуп, иахьатәи алабҿабара абасоуп ишыҟоу, уи катастрофоуп», — иҳәеит Қарҭ ахада.