«Ҳаҭыр зқәу Фишер аполитикатә хҭысқәа рҽалагалара даҟәыҵны, иус ҟаиҵароуп. Иара иҩбоу астандартқәа рганахьала дҿырҧшыгоуп», —  иҳәеит Қарҭ ахада Каха Калаӡе.

Каха Калаӡе Қырҭтәыла иҟоу Германтәыла ацҳаражәҳәаҩ  «Арадио Ахақәиҭра» иеиҭаз аинтервиу иазкны иазҵааит. Аинтервиу аҿы Фишер иҳәеит: «Шәара Евроеидгыла азакәанҧҵара гаӡароуп ҳәа шәҳәар шәылшоит. Ибзиоуп. Шәара Евроеидгыла алалара ишәуалым. Қырҭтәыла, ахатә ус ҟаҵа. Шәара ишәҭаху азакәанқәа рыдкылара шәылшоит, аха, абри аҩыза азакәанқәа рыла Евроеидгыла шәзалалом. Ауаа рполитикатә хәаҧшырақәа раарҧшра азин рымоуп, аиҳабыра уи ргәамҧхозаргьы».

«Ҳаҭыр зқәу Фишер аполитикатә хҭысқәа рҽалагалара даҟәыҵны, иус ҟаиҵароуп. Иара иҩбоу астандартқәа рганахьала дҿырҧшыгоуп. Ацҳаражәҳәаҩ иоуп ҳәа аҳәара иахьынӡаҟало сыздырӡом», — иҳәеит Каха Калаӡе.