Қарҭ ахада Каха Калаӡе ишиҳәаз ала,  иахьа дарбанзаалак аӡәы ишцәыҵаӡырҩуа азы изакәызаалак ашьақәырҕәҕәагак иҟам.

Аха, Калаӡе ишазгәеиҭаз ала, иара инцәыҵаӡырҩуаз аамҭақәа игәалашәоит.

Калаӡе иҳәамҭала, абри аҩыза афактқәа иҟазар цәгьоуп, аха, иара уи аҩыза аинформациа имам.

«Сара абри аҩыза аинформациа сымам.  Дарбанзаалак аӡәы ишцәыҵаӡырҩуа азы изакәызаалак ашьақәырҕәҕәагак  иҟам.  Сара ишсыҵаӡырҩуаз сгәалашәоит, аҩны аҧҳәыс лхаҵа ҭынч дызиацәажәомызт, аҩызцәа изеицәажәомызт. Арҭ ашықәсқәа сгәалашәоит, иахьагьы абри аҩыза афактқәа иҟазар даараӡа ицәгьоуп, сара уи садгылом, аха  абарҭ афактқәа  уажәы ишыҟалаз шьақәзырҕәҕәо ашаҳаҭгақәа иҟам», — иҳәеит Каха Калаӡе.

Аинтернет аҿы аларҵәара роуит адоуҳатә хаҿқәеи Апатриархиа аусзуҩцәеи ирызку аудиоматериалқәа. Ателееилахәырақәак абарҭ аматериалқәа аефир аҿы иоурыжьҭит.  Аларҵәара зауз афаилқәа адоуҳаныҟәгаҩцәақәак хаҭалатәи рыҧсҭазаара иазкуп. Иара убас, афаилқәа рҿы  зықәра наӡам ирызку аинформациагьы иҟоуп.  Қырҭтәыла Актәи аканал абарҭ аматериалқәа шәыднагалом, избанзар уаҟа хазхаҭалатәи аинформациа ауп иҟоу. Насгьы, аматериалқәа ишиашаҵәҟьоу  шьақәырҕәҕәам.