«Аиҩызаратә ҳәынҭқаррас рхы рыҧхьаӡозар, аконкреттә аргумент ҳазцәырыргароуп, аартызаара цәгьоуп ҳәа зырыҧхьаӡо ҳарҳәароуп», — иҳәеит Қарҭ ахада  Каха Калаӡе.

Калаӡе ишиҳәаз ала, атәыла аҩныҵҟа аума,  анҭыҵ аума џьаргьы аргументқәа рымам.

«Атәыла аҩныҵҟа аума, анҭыҵ аума џьаргьы аргументк ҳмаҳаит. Ҳара ҳҩашьозаргьы ауеит,  ииашам азакәан ҳадаҳкылозаргьы ауеит. Аха,  шәара аиҩызаратә ҳәынҭқаррас шәхы шәыҧхьаӡозар,  аконкреттә аргументқәа цәырыжәгароуп,  аартызаара цәгьоуп ҳәа изышәыҧхьаӡо шәҳәароуп.  Иарбан ахәҭаҷу ауаҩытәыҩса изинқәа ирҧырхагоу? Иарбан ахәҭаҷу ауаажәларратә аиҿкаарақәа русура иаҧырхагоу? Аргументқәа шәымаӡами?  Амцҳәаратә кампаниа мҩаҧысуеит ақырҭуа закәан аурыс закәанушәа. Аха, аӡәгьы изыҳәом ари азакәан аурыс ҳәа изахьӡырҵаз.  Иацы акызаҵәык ауп иҳаҳаз, ари азакәан аурыс ҳәа изахьӡышәҵеи, избан ҳәа ҳанразҵаа, избанзар ҳәа аҭак ҟарҵеит. Ҳуааҧсыра абри зегьы рбоит ҳәа сгәы иаанагоит», — иҳәеит аҳҭнықалақь ахада.