Иахьа аӡбара адкылара даараӡа имариоуп, избанзар, лабҿаба иубарҭоуп ганкаҿ иҟоу,  „Ақырҭуа гәахәтәы“ атәылазы ирҭаху, егьи аганаҿ иҟоугьы убарҭоуп, – иҳәеит Қарҭ ахада Каха Калаӡе ажурналистцәа рызҵаара аҭак анеиҭоз. Ажурналистцәа Калаӡе иазҵааит алхыҩцәа аполитикатә партиақәеи аполитикцәеи ҧасатәи роуранагӡара ахәшьара аҭаны аӡбара рыдыркылароума ҳәа.

„Иахьа аӡбара адкылара даараӡа имариоуп, избанзар, лабҿаба иубарҭоуп ганкаҿ иҟоу,  „Ақырҭуа гәахәтәы“ атәылазы ирҭаху, егьи аганаҿ иҟоугьы убарҭоуп  – ишиашо аибашьра аҽалагалареи аҩбатәи афронт аартреи рҭахуп. Арҭ ауаа изусҭцәақәоу ҳгәалаҳамшәои, анапхгараҿы ианыҟаз иҟарҵоз  ҳгәалаҳамшәои. Атәылаҿ ажәа ахақәиҭреи агәаанагара аарҧшра ахақәиҭреи иҧкын, абизнес иақәыҕәҕәон, зны абахҭа иҭаркуан, нас, ҵхыбжьон абахҭашҟа анотариус днаганы, рбизнес рымырхуан, адәахьы аҿар ршьуан, абахҭаҿ абаандаҩцәа идәылганы, ирҩыз рҿахәы рҿарҵон, арҭ ауаа изусҭцәадаз? – иахьа арадикалтә оппозициа асахьала иҳазцәырҵыз роуми?! Ажәлар дара изҿыз рхашҭраны иҟам, даҽазнык иргәалаҳаршәароуп, избанзар,  аҿар реиҳара уи рзымдыруазар ҟалап  – ауааҧсыра хымҧада иргәалаҳаршәароуп Гварамиеи, Мелиеи, Саакашвилии, Хазараӡеи изусҭцәақәоу“, – иҳәеит Каха Калаӡе.