««Атрансплантациа апрограмма» аҳәаақәа ирҭагӡаны, ишаҧу еиҧш, сынтәагьы  Қарҭ ахадара,  агәаҵәи абаҩлашеи ртрансплантациа аҧара азоунашьҭуеит», – иҳәеит Қарҭ ахада Каха Калаӡе амуниципалтә аиҳабыра иахьатәи реилатәараҿы.

Калаӡеи иҳәамҭала, Қарҭ ахадара асоциалтә ахьчареи агәабзиарахьареи аусхкы аҿы зҵакы дуу апрограммақәа рацәа нанагӡоит.

«Арҭ апрограммақәа аҵакы ду рымоуп, избанзар, ҳадгылареи ҳацхыраареи зҭаху ауаа иҟоуп.

Қарҭ ахадара пациентк ихәышәтәра иазоунашьҭуеит  10 000 инаркны  235 000 лари аҟынӡа.  2024 шықәсазы  101ҩык апациентцәа аҧара рзоуҳашьҭит. Қырҭтәылеи аҳәаанырцәи иҟоу аклиникақәа ирзиаган  7,5 миллион лари. Ҵыҧх зҵакы дуу апрограмма ҿыц анагӡара ҳалагеит  – ауаҩытәыҩсатә леикоцит антиген аилкаара иазку аҭҵаарақәа аҧара рзоуҳашьҭуеит. Ари апрограмма аҳәаақәа ирҭагӡаны,  ашәҟәы иҭагалоу 133ҩык апотенциалтә донорцәа  аҭҵаарақәа рзымҩаҧган», –  иҳәеит Қарҭ ахада.

Агәаҵәы атрансплантациа иадҳәаланы Калаӡе ишиҳәаз ала, ари апрограмма апациент ихарџьқәа зегьы ихнаҩоит, пациентк изы  120 000 лари иазҧхьагәаҭоуп. Иара ишиҳәаз ала,  2025 шықәсатәи абиуџьет аҿы атрансплантациа апрограммазы иазҧхьагәаҭоуп  10 миллион лари.