«Аҳәаанырцәынтә апроцессқәа шымҩаҧысуагьы, ишиашо аҳәамҭақәа шыҟаҵоугьы, ақырҭуа жәлар иахәҭоу аӡбара рыдыркылоит», — иҳәеит Қарҭ ахада Каха Калаӡе ажурналистцәа данрацәажәоз.

Калаӡе иазҵааит Қырҭтәыла имҩаҧысуа апроцессқәа аҳәаанырцәынтә анапхгара рырҭома ҳәа. Калаӡе ишиҳәаз ала, аконкреттә ацҳаражәҳәарҭақәа рҿы алхраҧхьатәи акампаниа мҩаҧысуеит.

«Ишиашо афактқәа иҟоуп,  аҳәамҭақәеи, ашьаҿақәеи ҟаҵоуп. Аконкреттә ацҳаражәҳәарҭақәа рҿы алхраҧхьатәи акампаниа мҩаҧысуеит. Зегь еилкаауп. Ишыҟазаалакгьы, ақырҭуа жәлар иахәҭоу аӡбара рыдыркылоит. Ари атәылаҿ агентуреи ҳтәылеи уи европатәи аҧеиҧши ирҧырхагоу ачарҳәаҩцәеи рҵыхәа ҧаҳҵәоит. Ҳтәылаҿ аҭынчра ҟалоит, атәыла аекономикатә аҿиара нагӡахоит,  евроинтеграциа апроцессаҿ Қырҭтәыла аиҳабыра ирымоу аконкреттә алҵшәақәа Евроеидгыла алалара ала ихыркәшахоит», — иҳәеит Қарҭ ахада.

Мраҭашәара иҟарҵо ашьаҿақәа ирыдҳәаланы ианиазҵаа, Калаӡе ишиҳәаз ала, ааҧхьара шыҟазгьы,  Қырҭтәыла аибашьра аҽаланамгалеит, убри амшалоуп Мраҭашәара  абарҭ ашьаҿақәа зыҟарҵо.