«Путин украинаа абри аҩыза афырхаҵара аадырҧшып ҳәа дыҟамызт, адунеи зегьы абас еидгылап ҳәа игәы иаанагомызт», — илҳәеит Америка аҳәынҭқарратә маӡаныҟәгаҩ ицхырааҩ  Кара Макдональд  Қарҭтәи жәларбжьратәи аконференциаҿы данықәгылоз. Қырҭтәыла иҟоу Америка ацҳаражәҳәарҭа   Кара  Макдональд иҟалҵаз ҳәамҭа аиҭага аланарҵәеит  Facebook адаҟьаҿы.

«Путин ҩынтә дҩашьеит. Иара украинаа абри аҩыза афырхаҵара аадырҧшып ҳәа дыҟамызт, иара убас, адунеи зегьы абас еидгылап ҳәа игәы иаанагомызт.  Абри ауп аиааира астратегиа: зхатә хақәиҭра иазықәҧо ауаа мчыс ирылоу ухашҭыр ҟалом», — илҳәеит  Кара Макдональд аконференциаҿы.

Лара Қырҭтәылагьы далацәажәеит: «Қырҭтәыла атәылауаҩратә уаажәларреи, ISFED, ихьыҧшым АИХи рҭагылазаашьа ҳанахәаҧшуа ҳашгәамҵуа жәала исызшәаҳәом. Ҳара Қырҭтәыла аҩызцәа ҳреиуп, ҳгәы ҳахьуеит, шәыдгылара ҳазыхиоуп», — илҳәеит  Кара Макдональд.