«Милан» алегендартә ахәмарҩцәа  Какеи, Кларенс Зеедорфи, Ибрагим Беи иахьа  Қарҭ, Михаил Месхи истадионаҿ  имҩаҧысуа Қырҭтәылеи  «Милани» рлегендартә ахәмарҩцәа рматч иалацәажәеит.

Кларенс Зеедорф: «Ажәа хаақәа рзы ҭабуп ҳәа шәасҳәоит. Сара уаанӡагьы изныкымкәа Қарҭ саахьан, ари аматч аҽалархәра алшара ахьсоуз азыҳәан ҭабуп ҳәа шәасҳәоит. Қырҭтәыла аизга ҳалацәажәозар,  Евро-2024 аҿы ибзианы иқәгылеит, ари акоманда аконкуренциа алшоит, апотенциал ду рымоуп, наҟ-наҟ иаҳа еиҕьу ахәмарра ҳдырбар рылшоит».

Кака: «Зеедорф сиеиҧшымкәа, сара раҧхьаӡа акәны Қырҭтәыла саҭааит, араҟа  «Милан» бзиа шырбо збоит, уи агәахәара ду сызцәырнагоит. Иахьатәи аматч алагара сахыццакуеит. Қырҭтәыла аизга алахәылацәа иҕәҕәаӡоу акомандақәа рҿы ихәмаруеит. Кала иаҳаҭыр аҟынтә шәтәыла аизга ҳгәы азыбылуеит».

Ибрагим Ба: «Каха Калаӡеи Қырҭтәыла аизгеи рҧылара ҳаигәырҕьоит. Аха, уи «Милан» ауп, ҳара еснагь зехьынџьара аиааира ҳазықәҧоит, иахьагьы убасҵәҩьоуп ишыҟало».

Қырҭтәылеи  «Милани» рлегендартә ахәмарҩцәа рматч иахьа имҩаҧысуеит   Қарҭ, Михаил Месхи истадионаҿ. Аматч иалагоит асааҭ 19:00 рзы. Ишиашо ицо атранслиациа жәбар шәылшоит Қырҭтәыла Актәи аканалаҿ.