Аҩны шкәакәа Қырҭтәыла имҩаԥгаз апарламенттә алхрақәа инамаданы ЕАШ ахада Џьо Баиден иҟаиҵаз аҳәамҭа аланарҵәеит.

ЕАШ ахада Қырҭтәыла аиҳабыра рахь ааԥҳьара ҟаиҵоит алхрақәа раан аҭыԥ змаз аилагара цыԥхьаӡа иаартны ҭырҵаарц, азакәан аиҳаӡара рыхьчарц.

“ЕАШ шеишықәса рыбжьара ақырҭуа жәлар ирыдгылон, Қырҭтәыла асуверенитети, атерриториатә акзаареи, евроатлантикатә ашьцыларақәеи ирыдгылон, атәылаҿ аҭыԥ змоу адемократиатә регресс иазкны, “аурыс закәан” адкылара иазкны ҳгәынамӡара ааҳарԥшуеит, ари ашьаҭатәи ахақәиҭрақәеи атәылауаҩратә уаажәларратә еиҿкаарақәа рқәыԥшылареи ирԥырхагоуп.

Жьҭаара 26 рзы Қырҭтәыла имҩаԥгаз апарламенттә алхрақәа рҿы административтә аресурс ахархәареи, алхыҩцәа рықәыӷәӷәареи, рыршәареи ирызку афактқәа рацәан. Қырҭтәыла атәылауаа рхатә позициа ҭынч аарԥшра зин рымоуп.

Қырҭтәыла аиҳабыра рахь ааԥҳьара ҟаҳҵоит алхрақәа раан аҭыԥ змаз аилагара цыԥхьаӡа иаартны ҭырҵаарц, аизарақәеи аарԥшра ахақәиҭреи иаԥырхаго “Атәым нырра аартызаара” иазку азакәан аԥырхырц, алхрақәа риашара аиҭашьақәыргыларазы, аполитикатә мчқәа зегь рҟны аинклизивтә диалог иалагарц. Аганқәа зегь рахь ааԥҳьара ҟаҳҵоит азакәан аиҳаӡара рыхьчарц, ари зегьы Қырҭтәыла евроатлантикатәи аԥеиԥш иашьаҭоуп”, – иануп аҳәамҭа аҿы.