IRI аҭҵаарақәа инрықәыршәаны, аҭыҧантәи ахаланапхгаратә органқәа рахь алхрақәа анеҩстәи амчыбжь азы имҩаҧысуазҭгьы,   26% ареспондентцәа  «Ақырҭуа гәахәтәы» иадгылон,  14% –  “Иаку амилаҭтә ҵысра”, 9% –  апартиа “Қырҭтәыла адгыларазы”

Аҭыҧантәи ахаланапхгаратә органқәа рахь алхрақәа анеҩстәи амчыбжь азы имҩаҧысуазҭгьы,  зегьы раасҭа ирацәаны абыжьқәа роуан 3 партиак: «Ақырҭуа гәахәтәи», «Иаку амилаҭтә ҵысреи» и «Қырҭтәыла адгыларазы».  Иахьа, Америка Жәларбжьаратәи ареспубликатә институт  (IRI) ицәырнагеит ажәлар ргәаанагара аҭҵаара алҵшәақәа.

Аҭҵаарақәа рылҵшәақәа абас ауп ишыҟоу: «Ақырҭуа гәахәтәы» — 26%; «Амилаҭтә ҵысра» — 14%; «Қырҭтәыла адгыларазы» (Гьаргь Гахариа ипартиа) — 9%; «Алеибористтә партиа» — 3%; «Гирчи »  —  2%; «Аҕмашенебели истратегиа» — 2%; «Лело» — 2%; «Апатриотцәа ралианс» — 2%; «Атәылауаа» — 2%; «Амилаҭ»  — 1%; «Европатәи Қырҭтәыла» — 1%.

Аҭҵаарақәа мҩаҧган рашәара  15 инаркны  30-нӡа.

Қырҭтәыла аҭыҧантәи алхрақәа мҩаҧысуеит жьҭаара 2 рзы.