Қырҭтәыла аҧыза-министр Иракли Кобахиӡе, Жәыргьыҭ, Звиад Гамсахурдиа ихьӡ зху Аҿартә центри абиблиотекеи даҭааит, аҧыза-министр дицын арегионалтә аҿиареи аинфраструктуреи рзы аминистр Иракли Қарселаӡе.

Аиҳабыра рнапхгаҩы ишиҳәаз ала, ари ацентр аҿар рзы зеиҧшҟамлац қәыҧшыларахоит, уаҟа дара рхатә интересқәа рынагӡара рылшоит.

„Уи аҿар ирызку, афункциақәа рацәа змоу центруп. Апроект иҳаракӡоу аҩаӡараҟны, ибзиаӡаны инагӡоуп. Ари ацентр аҿар рзы зеиҧшҟамлац қәыҧшыларахоит, уаҟа дара рхатә интересқәа рынагӡара рылшоит. Жәыргьыҭ, Звиад Гамсахурдиа ихьӡала абри аҩыза ацентр аартра аҵакы ду амоуп, ҳара наҟ-наҟгьы абри аҩыза апроектқәа наҳагӡоит. Ҳара ҳзы аҿар ринтересқәа рынагӡара ацхраара аҵакы ҷыда амоуп, ҳәарада, ҳаҧхьаҟагьы ари ахырхарҭала иҟаҳҵо рацәахоит“, –  иҳәеит Иракли Кобахиӡе.

Абиблиотека дыргылеит Дадианиаа рхан иаҧну аҵакырадгьылаҿ. 3000 аквадраттә метр аҵакыра змоу ахыбраҿ еиҿкаауп ҳаамҭазтәи астандартқәа ирышьашәалоу, афункциақәа рацәа змоу ацентр, ари ацентр иаҵанакуеит  иҿыцӡоу атехнологиақәа ирышьашәалоу аҧхьарҭеи, амедиатекеи, аусуратәи, алекциатәи, аконференциатәи, ацәыргақәҵа-амузеитәи азалқәеи административтә офисқәеи.

Аҿартә центр ахыбраҿ иазҧхьагәаҭоуп атуристтә информациатә центргьы, амузеитә қәыҧшылараҿы ацәыргақәҵақәа мҩаҧыргоит.

Жәыргьыҭтәи Аҿартә центр аргыларатә усурақәа мҩаҧнагеит Арегионалтә аҿиареи аинфраструктуреи рзы аминистрра Амуниципалтә аҿиара афонд. Аусурақәа мҩаҧган аҳәынҭқарратә биуџьет аҧарала, Азиатәи Аҿиара абанк аицфинансыркрала. Апроект  18.8 миллион лари иаҧсоуп.

Звиад Гамсахурдиа ихьӡ зху Аҿартә центр аҿы аҧыза-министр ицын аиҳабыра алахәылацәеи аҭыҧантәи анапхгара ахаҭарнакцәеи.