«Ақырҭуа цыҧхьаӡа Аҷареи Баҭыми ҷыдала бзиа ибоит. Иахьа ари акәакь, ари ақалақь 12 шықәса раҧхьа ишыҟаз еиҧш акәымкәа, иаҳа акырӡа аҿиара амоуп, уи даараӡа сеигәырҕьоит. Ҳара иҳалшо зегьы ҟаҳҵоит Аҷареи Баҭыми иаҳа иҧшӡахарцаз, иаҳа аҿиара роурц.  Убри азыҳәан, раҧхьа иргыланы, аҭынчреи ҳтәыла амилаҭтә интересқәеи ихьчатәуп», – иҳәеит «Ақырҭуа гәахәтәы» алхратә штаб анапхгаҩы, аҧыза-министр Иракли Кобахидзе алхратә кампаниа аҳәаақәа ирҭагӡаны Баҭым имҩаҧгаз ауснагӡатә аҿы.

Иара иажәақәа рыла, Қырҭтәылаҿ ареферендум аҵакы змоу алхрақәа рҟнынӡа ҩымчыбжь аанхеит.

«Ҳара даҽазнык иҳгәалаҳаршәароуп зҵакы дуу ареферендум шымҩаҧысуа. Жьҭаара 26 рзы абжьааҧнытә алхрақәа ракәӡам имҩаҧысуа, уи ахадаратә ҵакы змоу референдумхоит, ажәлар ирыӡбароуп аҭынчра акәу аибашьра акәу ирҭаху, иморальдоу апропаганда акәу ҳтрадициатә ҵасқәа ракәу еиҕьаршьо.  Аҭынчреи, атрадициатә ҵасқәеи, Қырҭтәыла аҧеиҧш лашеи, уи иашьашәаланы  – «Ақырҭуа гәахәтәи» альтернатива рымам, убри аҟынтә, жьҭаара 26 рзы алхыҩцәа Қырҭтәыла аҭынчреи аҿиареи азаазго алхра ҟарҵароуп», — иҳәеит  Кобахиӡе.