Хашуртәи Аиустициа аҩнаҿы аҭыҧантәи ауааҧсыра 500 раҟара ауаажәларратә маҵзурақәа роуеит, – иҳәеит Қырҭтәыла аҧыза-министр Иракли Кобахиӡе Хашури Аиустициа аҩны аартра ауснагӡатә аҿы данықәгылоз.

Аҧыза-министр ишазгәеиҭаз ала, уи атәылаҿ 121-тәи Аиустициа аҩноуп, аконкреттә регионаҿ  − 9-тәи филиалуп.

„Ишаҧу еиҧш, Хашури иаарту Аиустициа аҩнгьы архитектура ссир ала, адизаин ҷыдала иалкаауп. Ари ахыбраҿ ауаа рымаҵ аураан ргәы иаахәаша алагылазаара еиқәыршәоуп, насгьы, зегьы реиҳа ихадоу, Аиустициа аҩны аҭыҧантәи ауааҧсыра ирыднагалоит 500 раҟара ауаажәларратә маҵзурақәа, Аиустициа аҩны убри ала иалкаауп.

Уи атәылаҿ  121-тәи Аиустициа аҩноуп, аконкреттә регионаҿ  − 9-тәи филиалуп. Иара убас, даҽа  10 Аиустициа аҩнык раартра ҳгәы иҭоуп Ҭерџьолеи, Ахметеи, Сагареџьои, Хелвачаурии, уи адагьы, Қарҭ, Глдани араионаҿ Аиустициа аҩны ааҳартуеит. Ақыҭақәа рҿы  –  Ҷалеи, Зотии, Толеби, Шрошеи, Цаишьии Аиустициа аҩнқәа ааҳартуеит. Арҭ аусурақәа нагӡахоит, атәыла зехьынџьара ауаажәларратә маҵзура еиқәҳаршәоит.

Аиустициа аҩнқәа рҿы ҳтәылауаа 500 раҟара ауаажәларратә маҵзурақәа роуеит, урҭ рҟынтә  30 иреиҳаны – хазхаҭалатәи амаҵзурақәа роуп.

Аиустициа аҩны – аҳәынҭқарратәи хазхаҭалатәи амаҵзурақәа иахьеилаҵәоу аҭыҧ заҵәуп”, – иҳәеит аҧыза-министр.

Аиҳабыра рнапхгаҩы Қырҭтәыла аиустициа аминистри, аминистрра аусзуҩцәеи, Хашури Аиустициа аҩны аргылареи, Аиустициа аҩнқәа рпроектқәа рынагӡара иалахәы ауааҧсыреи ҭабуп ҳәа реиҳәеит.

Хашуртәи Аиустициа аҩны аартразы ааҧхьара зауз асасцәа рҿаҧхьа дықәгылеит аиустициа аминистр Рати Брегаӡе.

Ауснагӡатә аҿы иҟан апарламенти аҭыҧантәи анапхгареи рхаҭарнакцәа.