Қырҭтәыла аҧыза-министр Иракли Кобахиӡе Сагареџьо амуниципалитет иаҵанакәа Иормуҕанло ақыҭан ахәыҷбаҳча ҿыц ааиртит. 180-240-ҩык ахәыҷқәа рзы иазҧхьагәаҭоу ахәыҷбаҳча дыргылеит аилахәыра  „Сокар“ афинанстә цхыраарала.

Ашколнӡатәи ааӡаратә усбарҭа еиуеиҧшым ақәратә гәыҧқәа рзы иазҧхьагәаҭоу 6 уадак амоуп, ахыбра иргылоуп 3000 аквадраттә метр аҵакыраҿ. Акласстә уадақәа инарываргыланы, ахәыҷбаҳча аинфраструктурала иазҧхьагәаҭоуп акрыфарҭеи, ачысҟаҵарҭеи, аспорттә зали, иара убас, аҳақьымцәа руадеи, ахәмарратә ауадеи, ашьҭаларҭеи, административтәи атехникатәи қәыҧшыларақәеи. Ахыбраҿ апандусқәеи асанитартә қәыҧшыларақәеи, иара убас, адәахьы ахәмарратә ашҭеи еиҿкаауп.

Аиҳабыра рнапхгаҩы ицны уааҵәҟьа иҟан Қырҭтәыла анагӡаратәи, азакәанҧҵаратәи, аҭыҧантәи мчра ахаҭарнакцәеи, Азербаиџьантәи ареспублика афинансқәа рминистр Самир Шарифови, Азербаиџьантәи ареспублика авице-спикер Али Ахмедови, аилахәыра  „Сокар“ авице-ахада Зиба Мустафаеви, Қырҭтәыла иҟоу Азербаиџьантәи ареспублика ацҳаражәҳәаҩ Фиаг Гулиеви, Қырҭтәыла иҟоу Азербаиџьантәи ареспублика аҳәынҭқарратә анефҭеилахәыра ахаҭарнакра адиректор Маҳир Мамедови, егьырҭ аофициалтә хаҿқәеи.