Қырҭтәыла аҧыза-министр Иракли Кобахиӡе Қырҭтәыла иқәынхо азербаиџьанцәа Новруз Баирам аныҳәа рыдиныҳәалеит. .

Аиҳабыра рнапхгаҩи, атәыла ахада Михаил Ҟавелашвилии, апарламент ахантәаҩы Шьалуа Папуашвилии Марнеули иаҭааин, Новруз Баирам инамаданы уаҟа имҩаҧысуаз аусмҩаҧгатә рхы аладырхәит.

Аҧыза-министр аҭыҧантәи ауааҧсыра рҿаҧхьа дықәгыланы, аҭынчреи мышхәыбзазареи рзеиҕьеишьеит.

„Новруз Баирам аиҭакрақәеи абзиареи рныҳәамшуп. Ҳара, ақьырсианцәеи аҧсылманцәеи, ақырҭуааи азербаиџьанцәеи   ашәышықәсарацәала ҳаицынхареи ҳаиҩызареи ҳгәы аздууп. Аиашаз, арҭ аизыҟазаашьақәеи ҳаиҩызареи  урылаҽхәаратәы иҟоуп. Ҳара, акыршықәа ирылагӡаны, ҳаидгыланы, иаҳзеиҧшу атәыла аҧеиҧш ҳаргылон. Ари аҭоурых иахьагьы инагӡоит, абри атрадициа ссир ҳхылҵи игыло абиҧарақәеи ирзаанҳажьроуп. Даҽазнык ишәыдысныҳәалар сҭахуп Новруз Баирам аныҳәа ду, аҭынчреи мышхәыбзазареи шәзеиҕьасшьоит, бзиарас иҟоу зегьы шәыгымзааит“, – иҳәеит Иркли Кобахиӡе.

Аҧыза-министр, аныҳәамш инамаданы Марнеули агәҭаны еиҿкааз ацәыргақәҵатә қәыҧшылареи аетнокәакьи ибеит, иара убас, еиуеиҧшым аспорттә аицлабрақәа дрыхәаҧшит.

Қырҭтәыла иқәынхо азербаиџьанцәа Новруз Баирам рыдырныҳәалеит Қырҭтәыла ахада Михаил Ҟавелашвилии, апарламент ахантәаҩы Шьалуа Папуашвилии, аинаалареи атәылауаҩратә аиҟарареи азҵаарақәа рзы аҳәынҭқарратә министр Ҭеа Ахвледиании, Қвемо Қарҭли арегионаҿ аҳәынҭқарра ахаҭарнак Гьаргь Дохтуришвилии, жәлар рыхьчаҩ Леван Иоселиании, парламент алахәылацәеи, аҭыҧантәи анапхгара ахаҭарнакцәеи.