«Молдова  адемократиазы аҧышәара изахымсит, ҳара ҳаржьар рҭахуп,  Молдова акандидат астатус  иахәҭоуп, ақырҭуа жәлари анапхгареи – мап ҳәа рҳәеит, уи ҧхашьароуп», – иҳәеит Қырҭтәыла аҧыза-министр Иракли Кобахиӡе.

Кобахиӡе Евроеидгыла 13 ҳәынҭқаррақәа еицыҟарҵаз аҳәамҭа иазкны иазҵааит, аҳәамҭа ишану ала,  «евроинтеграциа апроцесс аанкылоуп анапхгаратә партиа  «Ақырҭуа гәахәтәы» иҟарҵо ашьаҿақәеи имҩаҧырго аполитикеи амшала. Аҧыза-министр абас аҭак ҟаиҵеит:

«4 ҳәынҭқаррак рдәныҟатәи аусқәа рминистцрәа асценашҟа ихаланы, ареволиуциатә процесс рхы аладырхәит, аха, ари апроцесс акгьы ахылымҵит. Абри аҩыза аҭагылазаашьаҿы арҭ аҳәамҭақәа изакәызаалак ҵакык рымам. Молдова имҩаҧгаз алхрақәа рыӡбахәы рҳәеит. Молдова иҟалаз ҳбеит.  Молдова  адемократиазы аҧышәара изахымсит, ҳара ҳаржьар рҭахуп,  абас алхрақәа мҩаҧызгаз атәыла акандидат астатус  иахәҭоуп, ақырҭуа жәлари анапхгареи – мап ҳәа рҳәеит, уи ҧхашьароуп. Аҳәамҭақәа ҟаҵатәызар, Молдова иадҳәаланы иҟарҵар акәын. Ари атәыла ауааҧсыра реиҳара евроинтеграциа иақәшаҳаҭым.  Украина аибашьра анхыркәшалак, алхрақәа рышьҭахь, аиашара еиҭашьақәгылоит, сара уи агәра ганы сыҟоуп», – иҳәеит  Иракли Кобахиӡе.

Молдова Алхратә комиссиа хада ала абыжьқәа 99,32% иҧхьаӡоуп. Маиа Санду  42,31%  лоуит, апрезиденттә алхрақәа аҩбатәи атур мҩаҧысуеит абҵара 3 рзы.