Қырҭтәыла аиҳабыра рнапхгаҩы  Левиль иҟоу аҭоурыхтә надел аҿы имҩаҧысуа аргылара-аиҭашьақәыргыларатә усурақәа гәеиҭеит.  Аҧыза-министр дицын авице-аҧыза, акультуреи аспорти рзы аминистр Ҭеа Ҵулукиани.  

Аминистр аиҳабыра рнапхгаҩы инаҭбааны изеиҭалҳәеит уаҟа имҩаҧысуа аусурақәа ирызкны. 

Уажәазы Левильтәи анадел ахан аиҭашьақәыргылара иаҿуп, уи ахыб ишеибгоу ирыҧсахит. Ахан актәи аихагылаҿ Раҧхьатәи ареспубликеи Франциа – Қырҭтәылатәи еизыҟазаашьақәеи рмузеи аадыртуеит, аҩбатәи аихагылаҿ анхарҭатә аа-қәыҧшыларак еиҿыркаауеит. 

Анаделаҿ аҷаҧшьаҩ иҩни  аҟазаратә аицынхарҭеи реиҭашьақәыргылара хыркәшоуп,  4 гектарк аҵакырадгьылаҿ агалуан аханатәтәи аҧшра  еиҭашьақәыргылоуп. 

Аиҳабыра рнапхгаҩы ишиҳәаз ала, уажәы Левиль имҩаҧысуа аусурақәа игыло абиҧара аҭынха рзааныжьра иазкуп.  

„Левильтәи анадел ҳҭоурых иаҵанакәеит, хәы змам аҭынхоуп. Ҳәарада, анадел аиҭашьақәыргылара аҵакы ду амоуп. Аиҭашьақәыргыларатә усурақәа  2026 шықәса анҵәамҭанӡа ихыркәшахоит. Ҳара абри хәы змам аҭынха игыло абиҧарақәа ирзаанҳажьроуп, абри ауп изызку уажәы имҩаҧысуа аусурақәа“, – иҳәеит Иракли Кобахиӡе. 

2026 шықәса цәыббранӡа анадел аҵакырадгьылаҿ еиҿыркаауеит  – Левильтәи ақырҭуа академиа, амузеитәи архивтәи қәыҧшылара, абиблиоҭека, аконференциатә зал, амедиатека, ақырҭуа кәакь. Қырҭтәыла аиҳабыра рыцхыраарала, Левильтәи аҭоурыхтә надел ишеибгоу еиҭашьақәыргылахоит, уи акультура-арккаратә хыҵҵырҭас иҟалоит. 

Аҧыза-министр, авице-аҧызеи Левиль ахадеи дрыцны, Қырҭтәыла Раҧхьатәи адемократиатә республика аиҳабыра рнапхгаҩы Ное Жорданиа ҳаҭырла дигәалаиршәеит.