Америкатә  аҧарала аус зуа иҳәынҭқарратәым аиҿкаара   46 000 бжьқәа рыла алхрақәа рҧаршеира ҳхаранаҵеит, уи аоппозициаа ҿыҵгас ирзыҟалеит ажәлар ргәазыҳәара иамыхәаҧшкәа, атәыла анапхгара рыҧсахреи, изаамҭаным алхрақәа рымҩаҧгареи  рҽазыркырц, ацҳаражәҳәарҭа ахаҭарнакцәа абри зегьы акрызҵазкәа агхоуп ҳәа рҳәеит, – иҳәеит Қырҭтәыла аҧыза-министр Иракли Кобахиӡе ажурналистцәа данрацәажәоз.

Иракли Кобахиӡе Қырҭтәыла иҟоу Америка ацҳаражәҳәарҭа аҵыхәтәантәи аамҭазы асоциалтә аҳақәа рҿы иаланарҵәаз  ашәҟәаартқәа   ирызкны иазҵааит.

Иара иажәақәа рыла,  ацҳаражәҳәарҭа PVT-и Алхратә комиссиа хадеи рылҵшәақәа рыбжьара аиҧшымра иазку ииашамыз аинформациа аланарҵәеит.

„Ацҳаражәҳәарҭа ииашамыз аинформациа аланарҵәеит,   „ПиТиВи“-и Алхратә комиссиа хадеи рылҵшәақәа рыбжьара  1.8 наӡына аиҧшымра иҟазшәа рҳәеит, аха, иҵабыргны,  2.4 наӡына иҟан. Аҩбатәи аманипулиациагьы иҟан,  иҵабыргны,  абарҭ  2.4 наӡына рыла,   „Исфед“ (ISFED) „Ақырҭуа гәахәтәы“ иахаранаҵон  46 000 бжьқәа рҧаршеира, Америка ацҳаражәҳәарҭаҿ уи зҵакы дуӡӡоу агхоуп ҳәа рҳәеит, уи зҵакы дууз агха акәӡамызт, уи   ахарадҵара бааҧсы акәын. Америкатә  аҧарала аус зуа иҳәынҭқарратәым аиҿкаара   46 000 бжьқәа рыла алхрақәа рҧаршеира ҳхаранаҵеит, уи аоппозициаа ҿыҵгас ирзыҟалеит ажәлар ргәазыҳәара иамыхәаҧшкәа, атәыла анапхгара рыҧсахреи, изаамҭаным алхрақәа рымҩаҧгареи  рҽазыркырц, ацҳаражәҳәарҭа ахаҭарнакцәа абри зегьы акрызҵазкәа агхоуп ҳәа рҳәеит. Ҳәарада, уи мцуп, сара ҳаҭыр зқәу ацҳаражәҳәаҩ даҽазнык слыҳәан, ҳара ари азҵаара аргама ҳалацәажәеит, иаҭаххар, сара хаҭала сгәаанагара ласҳәоит. Макьана алхратә процессқәа мҩаҧаагоит, ҳәарада, иаҭаххар, ианакәызаалак слацәажәарц сыхиоуп“, – иҳәеит Иракли Кобахиӡе.