Қырҭтәыла аҧыза-министр Иракли Кобахиӡе, UFC  ачемпион Илиа Ҭоҧуриа дицны, Русҭави афункциарацәатә спорткомплекс ааиртит.

Аспорткомплекс аҿы Илиа Ҭоҧуриа изгәыбылҩцәа иҧылеит.

Аҧыза-министр Илиа Ҭоҧуриа  даҽазнык  UFC ачемпионра идныҳәаланы, ҭабуп ҳәа иеиҳәеит.

„Русҭави ауааҧсыра иахьатәи амш, аспорткомплекс аартра  рыдысныҳәалоит. Илиа Ҭоҧуриа  UFC амаҟа идысныҳәалоит, иахьа ари амаҟа Русҭави иҟоуп.  4-5 шықәса раҧхьа аӡәгьы ихахьы изааигомызт ари амаҟа  Русҭави иҟалоит ҳәа, ари амаҟа ахаҵа ссир Илиа Ҭоҧуриа иааигоит ҳәа, ипатриотизм азыҳәан даҽазнык ҭабуп ҳәа иасҳәоит, ақәҿиара ду идысныҳәалоит.

Иахьатәи амш  аҵакы ҷыда амоуп, избанзар, раҧхьа иргыланы,  ухахьы иузаамгоз ақәҿиара дуӡӡа азгәаҳҭоит, аспорткомплекс аартреи  UFC амаҟеи. Илиа Ҭоҧуриа Русҭави ауааҧсыра абаҩхатәра ду шрылоу ааирҧшит, ақырҭуа хаҵа иҧсадгьыл азыҳәан иҟаиҵар илшо шырацәоу ааирҧшит.  Илиа Ҭоҧуриа ипатриоризми  ҳтәыла иазааигаз ақәҿиара дуи азыҳәан ҭабуп ҳәа иасҳәоит“, – иҳәеит аҧыза-министр.