Иракли Кобахиӡе Ильҳам Алиев диҧылеит 
Иракли Кобахиӡе Ильҳам Алиев диҧылеит 

Қырҭтәыла аҧыза-министр Иракли Кобахиӡе Азербаиџьантәи ареспублика ахада Ильҳам Алиев диҧылеит. Загулба аханаҿ имҩаҧгаз ишиашо аиҧылараҿы Азербаиџьантәи ареспублика ахада Қырҭтәыла аиҳабыра рнапхгаҩы апарламенттә алхрақәа рҿы анапхгаратә гәыҧ аиааира идныҳәаланы, ақәҿиарақәа изеиҕьеишьеит.

Аганқәа рхаҭарнакцәа Қырҭтәылеи Азербаиџьантәи ареспубликеи рстратегиатә партниорреи, иара убас, Қырҭтәылеи Азербаиџьани еицынарыгӡо, арегионалтә ҵакы змоу апроектқәеи ирылацәажәеит.

Иаҵшьны иазгәаҭан аекономикеи, атранспорти, аенергетикеи аусхкқәа рҿы аусеицура қәҿиарала ишымҩаҧысуа, иара убас, иаҵшьны иазгәаҭан аимадара аҵаки ари ахырхарҭала Қырҭтәыла инанагӡо ароли.

Қырҭтәыла аҧыза-министр Азербаиџьантәи ареспублика ахада ҭабуп ҳәа иеиҳәеит ақырҭуа делегациа гәыкала рыдкыларазы, иара убас, Иракли Кобахиӡе ишиҳәаз ала, ҩ-тәылак рпартниорра ашьаҭа ҕәҕәа амоуп.

Ҷыдала иазгәаҭан Аахыҵ Кавказаҿ аҭынчреи ашәарҭадареи аҵакы. Аҧыза-министр даҽазнык ишьақәирҕәҕәеит Қырҭтәыла, наҟ-наҟгьы, арегионаҿ аҭынчреи аҭышәынтәалареи аиқәыршәара аус аҿы алагала ду аҟаҵара ишазыхиоу.