Иракли Кобахиӡе Иҟалҭо ауахәаматә архитектуратә комплекс аҿы дыҟан.

Аиҳабыра рнапхгаҩы аҧшәмара изиуит Абба Алавердитәи амитрополит Давиҭ. Аҧыза-министр аныхабааи Иҟалҭо академиа иаҧну аҵакырадгьыли ибеит; иара убас, аплан иарбоу аусурақәа ирызкны инарҭбаау аинформациа дазыӡырҩит.

Қырҭтәыла Акультуратә ҭынха ахьчара амилаҭтә агентра афинанстә цхыраарала, амилаҭтә ҵакы змоу акатегориа акультуратә ҭынха абаҟа – Иҟалҭо ауахәаматә архитектуратә комплекс иаҵанакәа, Аҽеиҭакра ахьӡала иҟоу акуполтә ныхабааи  академиа ахыбреи  – аиҭашьақәыргыларатә усурақәа рзымҩаҧгахоит.

Аҽеиҭакра ахьӡала иҟоу акуполтә ныхабаа ахыб иқәхны, аҭӡамцқәа рыцқьаны, иҧхасҭахаз аҭыҧқәа идырҽеиуеит, ауасхыр дырҕәҕәоит, аныхабаа апериметр аҿы аӡцарҭа еиҿыркаауеит; академиа аҭӡамцқәа рконсервациа иалагоит, ашьаҟатә ҭӡамц дыргылоит.
Абаҟа аиҭашьақәыргыларатә усурақәа ирзоужьҭуп 3 073 219 лари.
Иҟалҭо ауахәаматә архитектуратә комплекс аҿы Иракли Кобахиӡе ицын Қырҭтәыла аиҳабыреи, апарламенти, аҭыҧантәи анапхгареи рхаҭарнакцәа.