Emaar/Eagle Hills  –  Дубаи аџьашьахәы ҟазҵаз абренд ҳәа иашьҭоуп,  Emaar-и  Eagle Hills-и  инарыгӡаз апроектқәа рыбзоурала Дубаи атуристтә мацара акәымкәа, аекономикатә потенциалгьы акырӡа иазҳаит, – иҳәеит Қырҭтәыла аҧыза-министр Иракли Кобахиӡе апарламентаҿ интерпеллиациа аҧҟарала данықәгылоз.

Аиҳабыра рнапхгаҩы ишиҳәаз ала,  „Игл Ҳилс“ адунеи еицырдыруа брендуп, уи Қырҭтәыла аусура алагара афакт егьырҭ  аинвесторцәа рзгьы гәызҭаҵагоуп.

„Абизнеси аполитикеи аганахьала ҧасатәи аамҭаҿ иаанхаз  ауаа зрепутациа ргәамҧхо аилахәыроуп ҳазлацәажәо. Ауааҧсыра абри зегьы лабҿаба ирбоит ҳәа сгәы иаанагоит.  Дубаи агәҭаны шәаныҟоу, ибзиаӡаны ижәбоит уаҟа иҟоу ахыбрақәа  80% абри аилахәырала ишыргылаз. Арҭ ахыбрақәа иреиуп адунеиаҿ зегьы реиҳа иҳараку аргыламҭа Бурџь халифа. Адунеиаҿ ари аилахәыра изакәытә хьӡу иамоу еилкаауп. Аха, ҳоппонентцәа араагьы  Emaar-и  Eagle Hills-и ррепутациа иадҳәаланы ак рҳәеит. Ари аилахәыра Дубаи аџьашьахәы ҟазҵаз абренд ҳәа иашьҭоуп,  уи еиҧш аҿырҧштәқәа рацәоуп, ари аилахәыра адунеи атәылақәа рацәа рҿы аус ауеит. „ Eagle Hills “ адунеи еицырдыруа брендуп, уи Қырҭтәыла аусура алагара афакт егьырҭ  аинвесторцәа рзгьы гәызҭаҵагоуп, аха, уи адагьы, ари афакт иҵегьы имаҷымкәа хырҳагара ҳзаанагоит “, – иҳәеит Иракли Кобахиӡе.