«Иенс Столтенберги сареи ҳаиҧылараҿы ҳара даҽазнык НАТОи Қырҭтәылеи русеицура азҵаарақәеи ҳинтеграциа апроцесси ҳалацәажәеит», — иҳәеит Қырҭтәыла аҧыза-министр Иракли Кобахиӡе НАТО маӡаныҟәгаҩ хада Иенс Столтенберги иареи аҳәамҭа аныҟарҵоз.

Аиҳабыра рнапхгаҩы ишиҳәаз ала, Қырҭтәыла  Алианс азы зегьы реиҳа игәрагоу партниоруп.

««Ҳаҭыр зқәу амаӡаныҟәгаҩ хада, Қәырҭтәыла шәыдкылара сара сзы ҳаҭыр дууп. Хаҭала  шәара ҭабуп ҳәа шәасҳәар сҭахуп  ҳтәыла адгыларазы, ҳтәыла евроатлантикатә ҽазышәарақәа рыдгыларазы. НАТО амаӡаныҟәгаҩ хада иҭыҧаҿ  10 шықәсатәи шәусураан ауадаҩрақәеи аҳасабтәқәеи  зеиҧшҟамлац ала ирацәан, аха, шәара шәнапхгарала, урҭ реиҳара иӡбан, уи абзоурала, НАТО иахьагьы евроатлантикатә шәарҭадара ахәдықәҵаҩ хадас иаанхоит.   Иахьатәи ҳаиҧылараҿы ҳара даҽазнык НАТОи Қырҭтәылеи русеицура азҵаарақәеи ҳинтеграциа апроцесси ҳалацәажәеит, уи еиҧш алшара ахьҳауз сеигәырҕьоит. Абри алшара схы иархәаны, НАТОи хаҭала амаӡаныҟәга хадеи ҭабуп ҳәа расҳәар сҭахуп Қырҭтәыла ахьыҧшымреи аҵакырадгьылтә акзаареи адгыларазы», — иҳәеит аҧыза-министр.