Иракли Кобахиӡе - Ҳтәылаҿы ҧшьынтә ареволиуциа аиҿкаара аҽазкрақәа иҟан, америкатә аҧаралагьы, Трамп иадминистрациа ала ари азҵаара аиҭахәаҧшра аҵакы ду амоуп
«Хышықәса рыла ҳтәылаҿы ҧшьынтә ареволиуциа аиҿкаара аҽазкрақәа иҟан, Абарҭ фактқәа рыҧшьбагьы рҿы аҳәаанырцәтәи афинансыркра иҟан, Американтәгьы аҧара роуон. Ҳәарада, Трамп иадминистрациа ала ари азҵаара аиҭахәаҧшра аҵакы ду амоуп, — иҳәеит Қырҭтәыла аҧыза-министр Иракли Кобахиӡе аиҳабыра радминситрациаҿы имҩаҧгаз абрифинг аҿы.
Ажурналист Кобахиӡе диазҵааит Америка адәныҟатәи ацхыраара зегьы 90 мшы рыла аанкылара иазкны Дональд Трамп идикылаз аӡбара дшазныҟәо.
Кобахиӡе ишиҳәаз ала, ари аӡбара игәаҧхоит.
«Аҵыхәтәантәи аамҭазы абри акәын ҳазлацәажәоз, ҷыдала, аартызаара иазку азакәан анҳадаҳкыла ашьҭахь. Изныкымкәа иаҳҳәахьеит аҳәаанырцәынтә иаауа аҧара даҽа хықәкык рзы ишнырхуа, уи еиҳангьы, лассы-лассы ари аҧара ҳтәылаҿы ареволиуциатә процессқәа реиҿкаара иазкуп, уи лабҿаба иубарҭоуп. Шәара ибзиаӡаны ижәбеит аҵыхәтәантәи хышықәса рыла ҳтәылаҿы ҧшьынтә ареволиуциа аиҿкаара аҽазкрақәа шыҟаз, абарҭ афактқәа рыҧшьбагьы рҿы аҳәаанырцәтәи афинансыркра иҟан, Американтәгьы аҧара роуон. Ҳәарада, Трамп иадминистрациа ала ари азҵаара аиҭахәаҧшра аҵакы ду амоуп, — иҳәеит Қырҭтәыла аҧыза-министр Иракли Кобахиӡе.