«Алибералтә фашизм ҳаҿагылароуп, аконкреттә депутат иганахьала иаабаз афактгьы алибералтә фашизм аарҧшроуп», — иҳәеит Қырҭтәыла аҧыза-министр Иракли Кобахиӡе  «Ақырҭуа гәахәтәы» адепутат Давид Матикашвили Миунхентә аҳаирбаҕәазаҿ иқәлара афакт иадҳәаланы ирҭаз азҵаара аҭак аныҟаиҵоз.

Аиҳабыра рнапхгаҩы ишиҳәаз ала,  «Аартызаара иазку азакәан» акибералтә фашизм афинансыркра иазку аинформациа аартызаара аиқәыршәароуп изызку.

«Алибералтә фашизм аларҵәареи аҳәаанырцәынтә уи аҧара алаҵареи  ҳаҿагылароуп.  «Аартызаара иазку азакәан» алибералтә фашизм афинансыркра иазку аинформациа аартызаара аиқәыршәароуп изызку. Агәра ганы сыҟоуп алибералтә фашизм аҧара азоушьҭра иазку аинформациа анааҳартлак, иашьашәалоу адонорцәа абри аҩыза ахҭысқәа аҧара рзоушьҭра ишаҟәыҵуа», — иҳәеит  Кобахиӡе.