«Европарламент аҩныҵҟа ашәқәа ркны ирҳәо зегьы ақырҭуа жәлар еилыркаар, уи ҳажәлар дара рахь ирымоу азныҟәаразы анырра бзиа амазаауеит», — иҳәеит Қырҭтәыла аҧыза-министр Иракли Кобахиӡе.

«Ашәқәа ркны имҩаҧысуа аилатәарақәа рҿы лассы-лассы иҳарҳәалоит Европарламент Европарламент шакәу,  уи Евроеидгыла аӡбарақәа  рзы анырра шамам. Аха, рыцҳарас иҟалаз, Евроеидгыла анагӡаратә структурақәа рҟынтә иҳаҳауа аҳәамҭақәа ҳажәлар ирыздырӡом.  Ашәқәа ркны имҩаҧысуа аилатәарақәа рҿы ирҳәо зегьы ақырҭуа жәлар еилыркаар, уи ҳажәлар Европарламенти европатәи аструктурақәеи рахь ирымоу азныҟәашьазы анырра бзиа аиуеит», — иҳәеит Иракли  Кобахиӡе.

Кобахиӡе игәаанагарала, Евроеидгыла анагӡаратә структурақәа Европарламент иаднакыло ииашам аӡбарақәа ирыдымгылар бзиан.

«Евроеидгыла анагӡаратә структурақәа Европарламент иаднакыло ииашам аӡбарақәа ирыдымгылар  даараӡа ибзиахон. Уи ажәлар ирымоу азныҟәашьазы анырра бзиа амазаауан. Ҳуааҧсыра  85%  Евроеидгылахь аинтеграциа иадгылоит, урҭ рхыҧхьаӡара маҷхар ҟалом. Ҳара иҳалшо зегьы ҟаҳҵоит, аха, Европарламент ҳҧырхагоуп.  Ҳшәыцхрааратәы алшара ҳашәҭ. Европарламент иҳацымхраар, ҳаргьы ҳазрыцхраауам, аха, еиҭасҳәар сҭахуп,  ҳара  Евроеидгылахь аинтеграциа иадгыло ауаа рхыҧхьаӡара ахьчароуп ҳасабтәс иҳамоу», — иҳәеит Кобахиӡе.