Қырҭтәыла аҧыза-министр Иракли Кобахиӡе Европа Ахеилак амаӡаныҟәгаҩ хада Алан Берсе диҧылеит.  

ЕАР Ассамблеиа Хада 79-тәи асессиа аҳәаақәа ирҭагӡаны имҩаҧгаз аиҧылараҿы Иракли Кобахиӡе Алан Берсе Европа Ахеилак амаӡаныҟәгаҩ хадас иалхра идныҳәаланы, ақәҿиарақәа изеиҕьеишьеит. 

Аганқәа рхаҭарнакцәа Қырҭтәылеи Европа ахеилаки қәҿиарала русеицуреи, иара убас,  ареформақәа рымҩаҧгареи атәыла евроинтеграциа апроцесси рҿы ари аиҿкаара иҟанаҵаз алагала дуи иалацәажәеит. 

Хшыҩзышьҭра рызун импыҵахалоу аҵакырадгьылқәа рҿы аҭагылазаашьеи, ҭынчмҩала аимакқәа рҭыҧқәҵара ахырхарҭала аиҳабыра имҩаҧырго аполитикеи, уажәтәи жәларбжьаратәи амеханизмқәа ирхылҵуа алҵшәақәа реиҕьтәра аҵаки. 

Иара убас, аиҧылара алахәылацәа, жәларбжьаратәи аиҩызара аҿаҧхьа иқәгылоу аҳасабтәқәагьы ирылацәажәеит, ари аганахьала ҷыдала иазааҭгылеит ашәарҭадара азҵаара. Ишазгәаҭаз ала, зыӡбахәы ҳәоу аҳасабтәқәа рыӡбаразы, хымҧада азеиҧш ҽазышәарақәа иҟазароуп. Аганқәа рхаҭарнакцәа иаҵшьны иазгәарҭеит аҭынчра альтернатива шамам.