«Аҳәынҭқарратә шәарҭадара амаҵзура аинформациа ҳаргәамҵуеит. Атерракт ауп ҳазлацәажәо. Џьоукы  аибашьра иадҳәаланы Қырҭтәыла апозициа ргәаҧхом. Ақәмақаррақәа иҟоуп», — иҳәеит Қырҭтәыла аҧыза-министр Иракли Кобахиӡе.

Кобахиӡе  иажәақәа ,  аҳәынҭқарра, абри аҩыза афактқәа раҧыхразы иаҭаху зегьы ҟанаҵоит.

«Аҳәынҭқарратә шәарҭадара амаҵзура аинформациа ҳаргәамҵуеит. Атерракт ауп ҳазлацәажәо. Џьоукы  аибашьра иадҳәаланы Қырҭтәыла апозициа ргәаҧхом. Ақәмақаррақәа иҟоуп. Ишыжәдыруа еиҧш, атерроризм ахәҭаҷлагьы аусеилыргара мҩаҧысуеит. Ари аинформациа даараӡа ҳаргәамҵуеит. Ишыжәдыруа еиҧш, аҵыхәтәантәи аамҭазы 2 террактк мҩаҧган, акы Словакиа, егьы Америка. Убри аҟынтә, ҳәарада, ашәарҭара иҟоуп.

Иара убас, Еврокомиссари сареи ҳҭелтә аиҿцәажәара шәгәалашәоит. Еврокомиссар ихаҭа иҳәеит атерракт иадҳәаланы ақәмақарра шыҟаз. Иара иазхеиҵеит агәҽанҵара сшиҭаз. Еврокомиссар иҳәеит аполиаризациа изхысуам, акиллерцәа роуп ихысуа ҳәа. Аха, ари ақәмақарра хаҭала иара иҟынтә акәӡамызт, иара ари адырра ҳаиҭарц ибжьаргеит. Ҳәарада, абри зегьы даараӡа ҳаргәамҵуеит. Џьоукы  аибашьра иадҳәаланы Қырҭтәыла апозициа ргәаҧхом. Ақәмақаррақәа иҟоуп. Иахьа Украина иҟоу,  ҧасатәи анапхгара ахаҭарнакцәа роуп абри зегьы еиҿызкаауа. Аха, аҳәынҭқарра абри аҩыза афактқәа раҧыхразы иаҭаху зегьы ҟанаҵоит.

Биӡина Иванишвили ҳпартиа дшахагыло зегьы иждыруеит. Иара убас, Биӡина Иванишвили ақырҭуа политикаҿы  рольс инаигӡо, аполитикатә процессқәа рзы аныррас имоу жәдыруеит. Убри аҟынтә, абри аҩыза атерракт Биӡина Иванишвили изкызар ауеит.  Еврокомиссар атерракт иазкны агәҽанҵара анҳаиҭоз, иара аконкреттә политик дилацәажәомызт, убри аҟынтә, уи Биӡина Иванишвилигьы иакәзар ҟаларын», — иҳәеит  Кобахиӡе.