Апарламенттә аиҳара аидер Иракли Кобахиӡе иҳәамҭала, аоппозициаа  еилыккаа ирзымҳәеит изаамҭаным аилатәра зымҩаҧгатәу, изакәытә зҵаарақәоу еилдыргар ирҭаху.

Иара иажәақәа рыла, апунктқәа рынагӡаразы апарламент аиҳара рбыжьқәа аҭахуп.

«Дара асаботаж ауп изызҿлымҳау, атәыла акандидат астатус аиур рҭахым.  Аоппозициаа рхатә субиективтә интересқәа рымоуп, урҭ реилкаара уадаҩым   – атәыла акандидат астатус аиур, атәыла аиҳабыра акәаталақәа роуеит, астатус ҳарымҭар – аоппозициаа арҭ акәаталақәа рхы адрыҧхьаӡалоит, убасҟан аполиаризациа аизырҳаразы ашанс роуеит. Дара аҳәынҭқарра иаҿагыло, рхатә субиективтә хықәкқәа рымоуп, атәыла акандидат астатус аиур рҭахым.

Ҳара 12 пунктқәа рынагӡаразы аҭак ҳаҧхықәуп.  Евроеидгылазы ихадоу  – апунктқәа рынагӡароуп,  дара алҵшәоуп  интересс ирымоу.   Зегьы реиҳа ихадоу, ҳара аконкреттә план еиқәҳаршәеит. Аоппозициааи иҳәынҭқарратәым аиҿкаарақәеи ари апроцесс рҽаладмырхәырц азыҳәан изакәызаалак ҿыҵгак рымам. Егьирахь – рҭакҧхықәроуп зегьы зхьыҧшу», — иҳәеит  Кобахиӡе.