Иракли Кобахиӡе - Азербаиџьан ҳара ҳзы аҩыза бзиа мацара акәымкәа, даара ибзиоу астратегиатә партниоруп, ҳара ҳзы ари апартниорра арҭбаара аҵакы ду амоуп
Иракли Кобахиӡе - Азербаиџьан ҳара ҳзы аҩыза бзиа мацара акәымкәа, даара ибзиоу астратегиатә партниоруп, ҳара ҳзы ари апартниорра арҭбаара аҵакы ду амоуп

«Ҳара ҳзы Азербаиџьантәи ареспублика –  аҩыза бзиа мацара акәымкәа, даара ибзиоу астратегиатә партниоруп, ҳара ҳзы ари астратегиатә партниорра арҭбаара аҵакы ду амоуп», — иҳәеит Қырҭтәыла аҧыза-министр Иракли Кобахиӡе  Азербаиџьан ахада Ильҳам Алиеви иареи реиҧылара ашьҭахь дара аҳәамҭақәа аныҟарҵоз.

Кобахиӡе иҳәамҭала , Азербаиџьан ахадеи иареи аинтерес ду зҵаз ҩ-ганктәи аиҧылара мҩаҧырган, ҩ-ганктәи аусеицуреи арегионаҿ имҩаҧысуа аполитикатә процессқәеи ирылацәажәеит.

«Аинтерес ду зҵаз ҩ-ганктәи аиҧылара мҩаҧаагеит, ҳтәылақәа рыбжьара ҩ-ганктәи аусеицуреи арегионаҿ имҩаҧысуа аполитикатә процессқәеи, аглобалтә процессқәеи   ҳрылацәажәеит. Арҭ апроцессқәа ҳтәылақәа рполитикатә позициақәа рзы анырра рымоуп, убри аҟынтә, апроблемақәа зегьы рыӡбаразы ҳаидгылароуп. Абри ауп ҩ-ганктәи аиаҧылараҿы ҳазлацәажәоз. Аахыҵ Кавказаҿ аҭынчреи аҭышәынтәалареи аҵакы ду амоуп. Ҳара даҽазнык ишьақәҳарҕәҕәеит Аахыҵ Кавказаҿ аҭынчреи аҭышәынтәалареи аиқәыршәара аус аҿы алагала ду аҟаҵара ҳшазыхиоу», — иҳәеит аҧыза-министр.