Қырҭтәыла аҧыза-министр Иракли Кобахиӡе игәаанагарала, аоппозициаа  аспорти акультуреи рполитикатә мзызқәа рзы рхархәара рҽазыркит, уи алагьы иубарҭоуп дара атәыла ишазныҟәо.

«Ҩымчыбжь раҧхьа аҭоурыхтә ашьапылампылтә аиааира ақырҭуа жәлар еиднакылеит.  Аҧсадгьыли, атәылеи, ақырҭуа шьапылампыли, Қырҭтәыла аиааиреи бзиа избо, ҳазынтәгьы агәырҕьареи амилаҭтә згәыдуреи  ҳаиднакылон.

Аспорти ашьапылампыли зегьы иртәуп, Қырҭтәыла азгәыбылҩцәа зегьы, апатриотцәа зегьы иртәуп.

Аҵыхәтәантәи ашықәсқәа рзы ақырҭуа спорт зеиҧшҟамлац ақәҿиарақәа аман. Аҭоурыхаҿ раҧхьаӡа акәны, Қырҭтәыла аизга Европа ачемпионаташҟа аквалификациа иахысит, аҭоурыхаҿ раҧхьаӡа акәны ақырҭуа регбистцәа  6 Милаҭк ркомандақәа ириааит, аҭоурыхаҿ раҧхьаӡа акәны, амҵәышәампыл азы амилаҭтә аизга адунеи ачемпионаташҟа аквалификациа иахысын, адунеи иреиҕьу 16 командақәа рсиа ианылеит, аҭоурыхаҿ раҧхьаӡа акәны,  аӡытә мпыл азы амилаҭтә аизга Европа иреиҕьу  8 командак рыгәҭа ахатә ҭыҧ ааннакылеит, аҭоурыхаҿ раҧхьаӡа акәны, агандбол азы аизга Европа ачемпионаташҟа аквалификаиа иахысит….

Рацҳарас иҟалаз, ақырҭуа спорти аҟазареи рхатә политикатә ҳәынҵәа иаларшьырц зҭаху аоппозициаа ҳара ҳзеиҷаҳауа иаргәамҵуам. Уи алагьы иубарҭоуп дара атәыла ишазныҟәо.

Атәылауаҩ цыҧхьаӡа илшо зегьы ҟаиҵароуп ақырҭуа спорти аҟазареи Саакашвилии, Гварамиеи, Хазараӡеи, Гахариеи, Гигаурии рполитикатә  ҳәынҵәа иаламҳарц азыҳәан», — иануп аҳәамҭаҿы.