Атәылаҿы изакәызаалак акризис ҟалом,  2020 шықәсатәи апарламенттә алхрақәа рышьҭахь ҳазхысыз асценари еиҭаҟалар аӡәыр иҭахызар, ари аҽазкра акгьы иахылҵуам, – иҳәеит Қырҭтәыла аҧыза-министр Иракли Кобахиӡе.

Кобахиӡе британиатәи аҭыжьымҭа  „Фаиненшал таимс“ аҿы икьыҧхьыз астатиа иазкны иазҵааит, астатиа хьӡыс иамоуп  „Мраҭашәараҿ  Қырҭтәыла акризис азы рҽазыҟарҵароуп“.

Аиҳабыра рнапхгаҩы ишиҳәаз ала, аҳәынҭқарра иҳаракӡоу аҩаӡараҟны игылоуп.

„Ҳтәылаҿы изакәызаалак акризис ҟалом. Ишыжәбо еиҧш, аҳәынҭқарра ахатә ҭыҧаҿ игылоуп, иҳаракӡоу аҩаӡараҟны игылоуп, азинхьчаратә органқәагьы иҳаракӡоу аҩаӡараҟны игылоуп, ақырҭуа жәлар уи рбеит,  аҵыхәтәантәи амзақәа рзгьы. Убри аҟынтә, аӡәгьы акризис изеиҿикаауам.  2020 шықәсатәи апарламенттә алхрақәа рышьҭахь ҳазхысыз асценари еиҭаҟалар аӡәыр иҭахызар, ари аҽазкра акгьы иахылҵуам,  аӡиаск ҩынтә узҭалом. Убри аҟынтә,  аӡәыр уи дазхәыцуазар,  уи азхәыцра даҟәыҵырц ибжьазгоит“, – иҳәеит Иракли Кобахиӡе.